ودي أضمك

[هاجس ليل]

افتح شبابيك يالهوى جيتك اليوم
بإحساس من زود الوله عنده يطير

جيتك مثل طفلن له أيام محروم
عن حضن أمه أبعدته المقادير

وجيتك مثل عودن له أيام مهموم
وده يلاقي بأخر الوقت تقديــر

وجيتك حضن عاشق وهايم ومغروم
وده يضمك لين تصبح على خير

متى تحس إن الهوى شي مقسوم
من قسمة الخالق على خلقه يصير

ومتى تحس إني لك أطيح وأقوم
وأتعب على شانك وأقدرك وآغير

لي في هواك أحلام وأمال وعلوم
وأحزاب وأصحاب وقصيد وجماهير

وهموم وأفكار وهواجيس وحلوم
ودروب وأخطار وعذاب ومشاوير

وحب وغلا وإخلاص ومعاند ولوم
وإحساس وإلهام وشعور وتفاكير

وصحبة سهر ومقاطعة لذة النوم
وأشواق جياشه وعشق وتعابير

في ذمتك مابان لك شي مكتوم
من بعد ماصورت الأوضاع تصوير

لاتحسب إنك شي عابر ومعدوم
وتاريخ حبك فاق كل الأساطير

في كل شي أتخيلك وأسمعك دوم
وأتأملك في الوقت الأول والآخير

من ماضي الأيام لايومك اليوم
وغلاك عندي ماحصل فيه تغيير

وأنا لك الله ماأقبل البيع والسوم
ولا أرضى علي ولاعليك المخاسير

لاْني الوحيد إللي على بحرك يعوم
وإللي عرف مرساه في رحلة السير

لحظه حبيبي قبل يسبقني النوم
بضم صدرك لين تصبح على خير

[شرقاويه]

هاجس ليل

قصيدة قمة في الروعه

يعطيك العافيه

موفق بإذن الله ... لك مني أجمل تحية .

[درب الــهـوى]

صح لسانك

كلمات جميله ورائعه

يعطيك الف عافيه

في انتظار المزيد من ابداعاتك

تحياتي اخوك درب الــهـوى

[هاجس ليل]

http://www.atyab.com/uploadscenter/uploads/497e9e6ef8.gif (http://www.atyab.com/uploadscenter/uploads/497e9e6ef8.gif)


http://www.up.6y6y.com/uploads/5bc0d44b23.gif

http://www.uae-up.com/up2/uploads/c2b2860abf.gif (http://www.uae-up.com/up2/uploads/c2b2860abf.gif)

http://www.uae-up.com/up2/uploads/a22317a7cb.gif (http://www.uae-up.com/up2/uploads/a22317a7cb.gif)

[دموع الالم]

كلمات روعه يدوم قلمك

[هاجس ليل]

تحيه لكم من القلب معطره بكل ما


يحملة هذا الكون من رائحه زكيه


ولكم جزيل الشكرلمروركم الرئع


ومشاركتكم الأروع تواجدكم
لاخلا ولاعدم
لاتحرموني من طلتكم الحلوه
وفقكم الله


دمتم بحفظ الرحمن

[فاطمة المعصومه]

كلمات انيقة

نسجتها لنا بماء الفضة

كلمات تستهوي قارئها فتأخذه الى عالم آخر

تقبلي مروري

دمتي بأمان الله وحفظه

[هاجس ليل]

فاظمة المعصومه



كم يُسعدني جمال حرفك


حينما يسقط في متصفحي



حضـور متـألق ورآقـي .. أضـائت له شمـووع الإخــاء ..